اوروج نامازلاریز قبول اولسون

بو وئب صحیفه سی نئچه واقتا کیمی

 تعطیل اولاجاق

یئدینجی گونون دوعاسی:

ای الله بو گون اوروجونو توتماقدا،

 و نامازینی قیلماقدا منه کؤمک اول.

 منی بو گونون سهو لریندن و گوناهلاریندان ساخلا،

 بوتون بو گون سنی ذکر ائتمه یی منه قیسمت ائت ،

 اؤز کؤمه یین سایه سینده، ای آزانلاری دوغرو یولا چیخاران!

بو گونون دوعاسی آزربایجان حاققیندا:

ای الله آزربایجانین میللت لشمسینه کؤمک قیلدین، 

دولت لشمه سینه ده یاردیم ائت

سایین زیارتچیلر،  ساباح اینترنته الیم چاتمایاجاغی

 اوچون من ساباحین دوعاسینی دا بو گون یازیرام:

آلتینجی گونون دوعاسی:

یا الله بو گون منی سنه عاصی لیه 

معروض قویماقلا اوتاندیرما.

 اؤز اینتیقام قامچینلا وورما.

 اؤز لوطفون و یاردیمین اؤزرینده

 غذبینی دوغوراجاق شئیلردن اوزاق ائت.

 ای رغبت بسلینلرین سون رغبتی

آزربایجان حاققیندا بوگونون دوعاسی:

ای اوجا تانری: آزربایجان میللتی آراسیندا

 دوشمنچیلیق سالان اللری قوروت

بئشینجی گونون دوعاسی

یا الله بو گون منی گوناهلارینین  باغیشلانماسینی

 ایستینلردن قیل،

 اؤز صالیح و تاپینان ( عیبادت ائدن) بنده لریندن ائت.

اؤزونه یاخینلاشدیردیغین 

دوشلاریندان ائت، مرحمتین خاطیرینه ،

 ای مرحمتلیلرین مرحمتلیسی

بو گون ده آزربایجانیمیز حاقدا اللریمیزی

 گؤیه قالدیریب دوعا ائدیریک:

ای الله آزربایجان میللتچی لرینین آراسیندا دوسلوقلاری

 موحکم قیل

یا الله بو گون منه سنین( اوروج توتماقا گؤره)

امرینین یئرینه یئتیرمه یه قووت وئر سنین

 ذیکر ائتمه یینین شیرینلیینی دادیز،

 سخاوتینه گؤره سنه شوکر ائتمه یه روحلاندیر 

منی اؤزون حیفظ ائتدیین ( قادا - بلادان)

 ساخلادیغین کیمی حیفظ ائت ای گؤرنلرین گؤرنی

آزربایجان حاققیندا دوعا

ای اوجا تانری تورک آدینی ، سن اؤزون بیزه سئچدین،

اؤزون ده قورو تورکو

تانری تورکو قوروسون

یا الله بو گون منه گوجلو آییق ساییق لیق وئر. منی سفئه شئی لردن و غافیل لیکدن اوزاق ائت. ای الی آچیقلیلارین  ال آچیقلیسی  ال آچیقلیغیوا  خاطیر بو گون ائندیردیین هر یاخشی لیقلاردان منه ده بیرپای آییر.

آزربایجان حاققیندا دوعا:

ایکینجی گونون دوعاسی

یا الله منی بو گون اؤز ریضا وا  یاخینلاشدیر، غضبیوه و اینتیقامیوا سبب اولاجاق شئیلردن اوزاق ائت. یا رحیملرین رحیملیسی منی اؤز رحمتیوین خاطیرینه سنین آیه لرینی اوخوماغا موفق ائت.

آزربایجان حاققیندا دوعا

بو گئجه اوروشلوق آیینین ایکینجی گئجه سیندیر. بو گئجه آزربایجاندا یئر ترپنیشی اؤز وئریب

تانری آزربایجانی بوتون بلالاردان قوروسون.

بیرینجی گونون دوعاسی( آلقیشی)

ای تانیرم بو گون منیم اوروجلاریمی گئرچک اوروج توتانلار

کیمی ، نامازلاریمی ، گئرچک ناماز قیلانلار کیمی، قوی .

 منی سنی اونودان یوخودان آییلت. ای دنیالارین تانریسی، ای

سوچلاری باغیشلایان الله   بو گونده منیم سوچلاریمی باغیشلاو

منیم چیرکین ایشلریمدن گؤز اؤرت .

آزربایجان حاقیندا دوعا

یاشاسین آزربایجان

»آدم»اؤلدوك دن اون گون سونرا، نوح دونیایا گؤز آچدی و 850 یاشی وار ایدی كی ادریس نبی دن سورا پیغمبرلی یه مبعوث اولوب اینسانلاری عدالته، صاف لیغا، صداقته، دوزگون لویه و گؤرونمز بیرجه تانری نین وارلیغینا اوره ك دن ایمان گتیرمه یه دعوت ائتدی.

» نوح » ون چاغیریشی، گوناهلار باتاقیندا لذت لی عؤمور سوره ن كافیر خلقه آغیر و چتین گله رك او قَدَر او حضرتی دؤیوب وورولار كی دفعه لرجه هوسدان گئدیب قولاقلاریندان قان آچیلدی. بو اوزدن نوح اؤز سویونو و طایفاسینی قارقی یاراق قیرخ ایله جان آرواد ـ‌كیشی لر عقیم اولوب تكجه بیر ائولاد دا او ائل ده دوغولمور. آنجاق یئنه او خلق، عیبرت آلماییب آز بیر عده دن باشقا كیمسه اونا و اونون رسالتی نه اینانماییر.

نوح سانكی دوشونجه لی اینسانلارلا یوخ بلكه داش قافالی جانلی لارلا قارشی قارشی یا ایدی كه هَوَس و  شهوت اونلارین گؤزونو كور ائدیب تانری نین معجزه لرله دولو یارانیشینی گؤرموردولر.

»‌نوح « كی هر گون اونون یارالی قامتینه خلق ألی ایله یئنی بیر یارا وورولوردی بیر گون جانا گلیب أللرینی گؤیه قالدیراراق تكجه آللاهی یادا سالیب چوخ دهشتلی بیر قارقیش ائده ركن تانری دان اینسانلارین بوغولماغین و یئر اوزوندن كؤك لری نین كسیلمه سین ایسته دی.

بو آن تانری نین 12 مین ملاكه سی هامیسی بیردن دیله گلیب بو قرار دان و از گئچمه سین ایسته دیلر و نوح ملك لره دئدی: » اونلارا 300 ایل داها ما جال وئریرم كی بلكه دوز یولا قاییدیب چیركین و اوتانج وئره ن عمل لردن ، رذالت دن و »زنا« دن چكینه لر.«

» نوح « ون وئردی یی وعده سی سونا چاتدی آمما اونون ائلی اوباسی، دوغرویولو سئچمه دن یئنه سوچ ایشله دیر. »نوح«ون صبری كسیله رك بیرگون تانری نین درگاهینا دوعا ائتدی و آللاهدان ایسته یی بئله اولدو: »‌بو جماعت كی من گؤروره م هئچ واخت دوز یولو سئچمه ییب یئنه ده مظلوم لارین آهی اوجادی. گرك دیركی كؤنول لرینده آللاه سئوگی سی اولمایان بوتون بنده لره تاریخ بویو عیبرت اولسون دئیه اونلارا بؤیوك بیر درس وئره ن سن!«

اولو تانری نوحا وحی ائده رك اوننان عظمت لی و چئشیدلی اؤزل لیك لر داشی یان بیر گمی نین دوزه تمه سینی ایسته دی. نوح كه باشاریلی بیر نجار ایدی 200 تامام بو گمی اوزه رینده اصحاب لاری نان بیر لیك ده چالیشاراق، او گمی اؤز اوجالیقی، بؤیوك لویو، و انی بویو ایله عقله سیغمایان حشمت لی بیر گمی اولدو. او اؤلكه ده هامی نوحو دلی دیوانه بیلیب قورولوق دا و دنیزدن چوخ اوزاق لیق دا بئله نكی بیر گمی نی ایزله یه رك حئیران لیقا جوموب گولمه یه باشلیردیلار.

تانری نین بیلیك لی و چوخ سایقیلی ملاكه سی جبرئیل، بیر گون نوحا گمی حاققیندا گؤستریش لر وئره ركن دئدی: »سنین دوعا لارین كی قارقیش لارلا دولو ایدی، آللاه درگاهیندا مستجاب اولوب تئزلیك له تانری نین قهری و غضبی یئر اوزونو اؤزكامینا آلاجاق.«

گونلر اؤتدوك ده بیر گون آللاه تعالادان نوحا وحی اولوندی كی دونیاده هر نه جانلی واردیر اونلاردان بیر اَركك و بیر دیشی بورایا ساری گله رك، اونلاری عزیز بیر قوناق كیمی قارشیلاییب گمی ده یئر وئره رسن . هئچ جانلی نین او بیری جانلی یا ضرری كئچمه یه جك و ییرتیجی حئیوانلاردا قوزو كیمی اوت ایله و سوت ایله بسله نه جك لر.

نوحون خانیمی » عموره « و ائولادلاری سام، حام و یافث و هابئله نوحون قیز گلین لری بیر پارا ایمانلی اصحاب لارلا بیر لیك ده نوحون یاردیمی له بوتون گمی یه ساری گلن جانلی لاری قارشیلایاراق اونلارا گمی ده مناسیب یئرلر حاضیرلاییرلار.

گون  اوگون اولدوكی موعود واختی چاتدی و »عموره« چؤره‌ك یاپاراق تندیردن سو فیشقیراركن نوحی سسله دی و نوح، تئزلیك له خانیمینی، ائولادلارینی و اصحابینی باشیناییغاراق گئدیب گمی ده اوتوروب دؤزمه یه باشلادی. بو آن دا گونش توتولدو وگوندوز اولاراق یئر اوزونو قارانلیق بوغدو و بولوت لار شاخاراق ایلدیریم لار گورولدادی.

دایانمادان قیرخ گون گور یاغیش یاغیب یئرده هرنه بولاق، چای و دنیز وارسادا دالغالانیب جوشاگلدی. بوتون یئر اوزونده كی وارلیق لار ، جانلارینی ألدن وئره رك نوحون گمی سی داغلاری آشان سئل و توفان لارا دایاناراق، یئر اوزو بیر دنیزه چئوریلدی كی او دنیزین یوكسك لی یی بولاتلارا چاتدی و گمی ده بولاتلار ایچینده گؤرونمز اولدو.

گمی نی توفانلی دالغالار سو اوزون ده اؤز جایناغیینا آلاركن، قیر خینجی گون سونا چاتاراق، آللاه تعالانین اَمری  نن تورپاق لار سولاردان بیر قیسمینی اؤز جایناغینا چكمك له یاشاییش ایچون یئنی دن قورو تورپاقلار ووجودا گلدی. بئله لیك نوحون گمی سی نوروز بایرامیندا دوز باهارین باشلانیشی لا »‌موصل« ده كی »جودی« داغی نین باشیندا لنگر سالدی.

نوح و اونون عائیله سی ایله اصحابی كی هامیسی 80  نفر ایدیلر گمی دن چیخیب گونشی و تورپاقی گؤره رك بوتون حئیوانلاری و قوشلاری دا گمی دن چیخارتدیلار كی هره اؤز جیفتی نن تورپاقا آیاق باسیب یئنی یاشام لاری ایچون چئشیدلی یول لارا دوشدولر. نوح و اصحابی او منطقه ده » نمانین « آدلی بیر شهرین تملین قویوب مدنیت و حیات، یئنی دن یئر اوزونده او شَهَردن باشلاندی.

آمما ایبلیس، شیطانلیغا دوام ائدیب نوحون گؤزونه گؤروشه رك دئدی:» سن فیكر ائتمه كی دا بوننان سونرا یئر اوزونده هئچ بیر سوچ و جینایت ایش لن مه یه جك و خلق ائله هامیسی تانری نین سایقی لی بنده لری اولاجاق لار. حسد، طاماح، غضب، قضاوت و هَوَس بیر توزاق لاردیلاركی من اونلارینان یئنه اینسانلاری یول دان چیخارداجاغام.«

نوح بو آن دا » لا اله الا لله « نیداسینی دیله گتیره رك ایبلیسین جانینا لرزه دوشوب قورخونج واهیمه لر ایچره قویوب قاچدی.

نوح حضرت لری 2500 ایل عؤمور سوره رك 950 ایل پیغمبر لیك دن سونرا، تانری نین سیفاریشی له بوتون ایلاهی بیلیك لرینی اوغلو » سام « اوچون ودیعه قویوب گله جك ده »هود« آدلی بیر پیغمبرین گلدی یینی خلقه موژده وئردی.

نوح بیرجه تانری یا ایللر بویو عیبادت ائدیب خلقی عشقه، محبته، عدالته و معنوی اینانج لارا دعوت ائده رك بیر گون گونش لن دیقی حالدا اؤلوم مله یی عزرائیل له گؤروشدوك ده آنلادی كی اؤلوم واختی چاتیب دیر. عزرائیل دن بیرجه آن مؤهلت ایسته دی كی بیر آددیم آتاراق كؤلگه یه ساری گئدیب روحونو تسلیم ائده. آللاهین ایذنی له اؤلوم مله یی بیر آنلیق اونا فورصت وئره ركن نوح دان سوروشور »بو اوزون عؤمرون نئجه گئچدی؟« نوح ایسه جواب دا: »گونش دن كولگه یه آددیم آتماق دان قیسا ؟» دئیه‌رك جان وئردی.

علیرضا ذبیح

ب یازی http://www.cloob.com/club/article/show/clubname/turck/articleid/60371 دن گوتورلنیبدیر